منظور وسان کی پی ٹی آئی کے حوالے سے بڑی پیش گوئی‎

اسلام آباد(پی این آئی) پیپلز پارٹی کے رہنما منظور وسان نے پیشگوئی کی ہے کہ سال 2025 ملک کے بہتر لیکن پی ٹی آئی کے لیے اچھا نہیں ہے۔

پی پی رہنما منظور وسان نے میڈیا سے گفتگو کرتے ہوئے کہا کہ میں نے پہلے کہا تھا کہ 2025 میں پاکستان تحریک انصاف ( پی ٹی آئی) میں اختلافات بڑھ جائیں گے اور اب ان کے رہنما ایک دوسرے کو تھپڑ مار رہے ہیں۔بانی پی ٹی آئی عمران خان کی رہائی کے امکانات نہیں ہوں گے۔ تو یہ آپس میں لڑیں گے اور انٹرنیشنل قوتوں کا جس طرح انتظار کیا جا رہا تھا اب ان کی طرف سے رسپانس نہیں آ رہا۔انہوں نے کہا کہ ذوالفقار علی بھٹو کی شہادت کے بعد ہماری پارٹی کو بھی توڑنے کی کوشش کی گئی تھی۔ پی ٹی آئی میں شامل ہونے والے اچانک آئے اور اچانک چلے جائیں گے۔

منظور وسان نے پیشگوئی کی کہ 2025 ملک کے لیے بہتر لیکن پی ٹی آئی کے لیے اچھا نہیں ہے۔انہوں نے کہا کہ آئی ایم ایف کی کچھ شرائط عوام کی حق میں نہیں ہیں جیسے زراعت پر ٹیکس۔ ٹیکس بڑے لوگوں پر لگنے چاہیے غریب کسانوں پر نہیں، آئی ایم ایف کی شرائط ہیں کہ کوئی حکومت گندم نہیں خریدے گی۔ جس کے بعد اب گندم کی اوپن مارکیٹ سے خرید و فروخت ہو گی۔