اسلام آباد(پی این آئی) اپوزیشن لیڈر ملک احمد خان بھچر کا کہنا ہے کہ عیدکے بعد تحریک انصاف ایک بھرپور احتجاجی تحریک کا آغاز کرے گی۔
تحریک انصاف کا عید کے بعد ملک گیر احتجاجی تحریک چلانے کا منصوبہ، اپوزیشن لیڈر ملک احمد خان بھچر نے ویڈیو پیغام جاری کردیا۔ویڈیو میں ملک احمد خان بھچر نے کہا کہ عیدکے بعد تحریک انصاف ایک بھرپور احتجاجی تحریک کا آغاز کرے گی، بانی کی ہدایت کے مطابق سیاسی جماعتوں سے مشاورت کے بعد نئی تحریک شروع کریں گے، ہم احتجاجی تحریک کیلئے اپنی تیاریاں ابھی سے شروع کررہے ہیں۔
انہوں نے کہا کہ وکلاء اور سیاسی جماعتوں سے رابطہ کرکے ایک بھرپور تحریک چلائیں گے، ملک پر مسلط کے پاس عوامی مینڈیٹ نہیں ہے، ہماری تحریک اس حکومت کے خاتمے تک جاری رہے گی، ایک نالائق ترین وزیراعلیٰ پنجاب کو چلارہی ہیں۔
تازہ ترین خبروں کے لیے پی این آئی کا فیس بک پیج فالو کریں
