عمران خان کا بڑا حکم آگیا

اسلام آباد (پی این آئی) بانی پی ٹی آئی کے وکیل فیصل چودھری نے بتایا کہ عمران خان نے رمضان المبارک کے بعد بھر پور تحریک چلانے کی ہدایت کی ہے۔

بانی پی ٹی آئی کے وکیل فیصل چودھری نے دیگر وکلاء کے ہمراہ میڈیا سے گفتگو کرتے ہوئے کہا کہ آج جھوٹے کیسز کی سیریز کے ایک اور کیس جی ایچ کیو کیس کی سماعت تھی۔ جنہوں نے پی ٹی آئی چھوڑ دی انکے خلاف نو مئی کا کوئی کیس نہیں چلا۔ آج بھی سرکاری گواہان کو پیش کیا گیا۔انہوں نے کہا کہ اڈیالہ جیل میں کنٹرولڈ ٹرائل چلایا جارہا ہے، وکلاء اور صحافیوں میں پک اینڈ چوز کرکے اندر بھیجا جاتا ہے۔ ہم نے اسلام آباد ہائی کورٹ میں اوپن ٹرائل کی درخواست دائر کی ہے۔

فیصل چودھری نے بتایا کہ بانی نے اپنے تینوں خطوط کا اعادہ کیا ہے۔ عمران خان نے کہا کہ یہ اوپن خطوط ہیں سب کیلئے ہیں۔ یہ وہ حقائق ہیں جن پر اسٹیبلشمنٹ کو غور کرنا چاہیئے۔ ملک میں بڑھتی دہشتگردی کا سدباب کرنا ہوگا۔انہوں نے بتایا کہ بانی نے کہا عدلیہ کو کرش کیا گیا ہے۔ آزاد جج کبھی کوئی متنازعہ ریمارکس نہیں دیتے۔

بانی پی ٹی آئی کے وکیل نے کہا کہ نو مئی کو بانی کی گرفتاری کے وقت اسلام آباد ہائی کورٹ میں کیا ہوا سب نے دیکھا۔ہم نو مئی پر اسی لئے جوڈیشل کمیشن مانگ رہے ہیں۔ ہمارا موقف ہے نو مئی فالس فلیگ آپریشن تھا۔ ہم ریاست سے آئیں اور قانون کے مطابق انصاف مانگتے ہیں۔

انہوں نے کہا کہ پاکستان میں پی ٹی آئی کے خلاف چادر اور چار دیواری کا تقدس پامال کیا گیا۔ انسانی حقوق پامالی کیس کو دنیا کے سامنے لانے کی وجہ رول آف لاء کی نفی ہے۔ ہم بنیادی انسانی حقوق کا تحفظ چاہتے ہیں۔ آزادی میڈیا اور آزاد عدلیہ ریورس ہوچکے ہیں۔ ملک میں انٹرنیٹ بند ہے کون یہاں سرمایہ کاری کرے گا۔ پاکستان تحریک انصاف رول آف لاء کا مطالبہ کرتی ہے۔

فیصل چودھری نے کہا کہ پی ٹی آئی حکومت کے بعد ملک کو 45 ارب ڈالر کا نقصان پہنچا ہے۔فارم 47 کے کندھوں پر چڑھ کر حکومت قائم کی گئی ہے۔ بانی نے اسد قیصر اور عمر ایوب کو ٹاسک دیا ہے اپوزیشن جماعتوں کو اعتماد میں لیں۔ بانی نے رمضان المبارک کے بعد بھر پور تحریک چلانے کی ہدایت کی ہے۔