اسلام آباد (پی این آئی) تحریکِ انصاف کے سینیٹر شبلی فراز نے ججزکی تعیناتی پر اہم سوال اٹھا دیا ۔
شبلی فراز نے میڈیا سے گفتگو کرتے ہوئے کہا کہ سیاسی مقدمات بنائے جا رہے ہیں، 26 ویں آئینی ترمیم عدالت میں چیلنج ہے تو پھر کیوں ججزکی تعیناتی ہو رہی ہے؟اُنہوں نے یہ بھی کہا کہ جب پراسس غلط ہو تو تعیناتیاں کیسے ٹھیک ہوں گی؟”جنگ ” کے مطابق تحریکِ انصاف (پی ٹی آئی) کے سینیٹر شبلی فراز کا کہنا تھا کہ خیبر پختونخوا کو سینیٹ میں ایک سال سے نمائندگی نہیں دی گئی۔جعلی پارلیمنٹ میں عوام کی جانب سے مسترد کیے ہوئے لوگ بیٹھے ہیں، عوام کا اعتماد نہیں ہو تو ملک آگے نہیں بڑھے گا۔ امن و امان کی صورتِ حال ابتر اور ملک پیچھے جا رہا ہے۔
تازہ ترین خبروں کے لیے پی این آئی کا فیس بک پیج فالو کریں
