صوابی (پی این آئی)پاکستان تحریک انصاف (پی ٹی آئی) خیبر پختونخوا کے صدر جنید اکبر نے بانی پی ٹی آئی کی “کال ” کے حوالے سے بڑا دعویٰ کر دیا۔
“جنگ ” کے مطابق صوابی جلسے سے خطاب میں پی ٹی آئی خیبر پختونخوا کے صدر جنید اکبر نے کہا ہے کہ بانی پی ٹی آئی نے کال دی تو اس بار ہم چال ڈھال ٹھیک کریں گے۔لوگ کہتے تھے پی ٹی آئی کے ورکرز تھک گئے ہیں، آج کارکنوں نے پیغام دیا کہ وہ نہیں تھکے۔ایک دفعہ پھر بانی پی ٹی آئی جلد کال دیں گے، اس دفعہ آپ کی گولیاں کھانے کی تیاریوں کے ساتھ آئیں گے، اس دفعہ آپ کا چال ڈھال ٹھیک کریں گے۔
انہوں نے مزید کہا کہ ہمیں تاریخ کا پتا ہے کون بھاگتا ہے اور کون نہیں، وزیر داخلہ محسن نقوی نے آج کے احتجاج پر کارروائی کا کہا ہے۔ ہم اداروں کو مضبوط دیکھنا چاہتے ہیں، قانون کی حکمرانی تک جدوجہد جاری گی، ہم نہیں چاہتے کہ اداروں سے ٹکراؤ ہو، اداروں اور عوام میں بہت بڑے فاصلے ہیں۔
تازہ ترین خبروں کے لیے پی این آئی کا فیس بک پیج فالو کریں
