عدالت نے اسکولوں کو ایک ماہ بعد دوبارہ رجسٹریشن کروانے کا حکم دے دیا۔
تفصیلات کے مطابق لاہور ہائیکورٹ نے اسموگ کے تدارک کے لیے دائر درخواستوں پر سماعت کی، اور حکم جاری کیا کہ اسکولوں کو ایک ماہ بعد دوبارہ رجسٹریشن کرانی ہوگی، اور جو اسکول بس پالیسی پر عمل نہیں کرتا اس کی رجسٹریشن معطل کر دی جائے۔
عدالت نے ڈی جی ایل ڈی اے کو لاہور کی سٹرکوں کا جائزہ لے کر ٹریفک پلان طلب کر لیا، جسٹس شاہد کریم نے کہا حکومت کی تعریف کرتے ہوئے کہا کہ وہ اسموگ کے تدارک کے لیے اچھے اقدامات کر رہی ہے۔
سیکریٹری اسکولز ایجوکیشن خالد نذیر نے پرائیویٹ اسکولوں سے متعلق مجوزہ رولز عدالت میں پیش کیے، انھوں نے کہا ہم نے پالیسی بنائی ہے کہ اسکولز کی بسیں ہوں گی تو اسکولوں کی رجسٹریشن ہوگی، رولز میں نئے اسکولوں کی رجسٹریشن کے لیے بسیں لازمی قرار دے رہے ہیں۔
جسٹس شاہد کریم نے کہا اسکول بسوں کا معاملہ بہت سنجیدہ ہے، ہم نے اگلے سیزن سے پہلے تمام احکامات پر عمل کروانا ہے، یہ ماحولیات کا معاملہ بہت سنجیدہ ہو چکا ہے، اس میں مزید وقت ضائع نہ کیا جائے۔
تازہ ترین خبروں کے لیے پی این آئی کا فیس بک پیج فالو کریں
