اسلام آباد(پی این آئی) سابق وفاقی وزیر سینیٹر فیصل واؤڈا نے کہا ہے کہ فیض حمید کا معاملہ صرف کورٹ مارشل تک محدود نہیں رہے گا بلکہ سزا بھی ہوگی۔
ایکسپریس نیوز کے مطابق فیصل واؤڈا نے کہا کہ پہلے بھی بتا چکا ہوں 14 دسمبر کی سول نافرمانی کی کال کا تعلق فیض حمید کے ٹرائل سے ہے۔ ایسا نہیں ہوسکتا کہ ایک شخص کا ٹرائل ہو اور حواریوں کا نہ ہو۔فیصل واؤڈا نے دعویٰ کیا کہ پی ٹی آئی کے غبارے سے ہوا نکل گئی ہے جبکہ پاکستان میں اب ایسا میرٹ کا نظام آگیا ہے کہ کوئی طاقتور آدمی بھی نہیں بچ سکتا۔سینیٹر نے کہا کہ پانچ ماہ بعد شواہد جمع کرنے کے بعد انہوں نے اپنے بندے پر فرد جرم عائد کی۔
تازہ ترین خبروں کے لیے پی این آئی کا فیس بک پیج فالو کریں
