فری اینڈ فیئر الیکشن نیٹ ورک (فافن) نے پنجاب اسمبلی کے حلقے پی پی 139 شیخوپورہ میں ضمنی الیکشن پر رپورٹ جاری کر دی، جس کے مطابق مسلم لیگ (ن) کے ووٹ بینک میں اضافہ ہوا، گنتی کا عمل شفاف رہا۔
فافن رپورٹ کے مطابق مسلم لیگ (ن) کا ووٹ بینک عام انتخابات میں 38 فیصد تھا جو بڑھ کر 55.7 فیصد ہو گیا۔
رپورٹ کے مطابق ہارنے والے امیدوار کو عام انتخابات اور دونوں ضمنی انتخابات میں پاکستان تحریک انصاف (پی ٹی آئی) نے سپورٹ کیا، پی ٹی آئی کے امیدوار کا ووٹ بینک 36 فیصد سے کم ہو کر 25 فیصد رہ گیا۔
فافن کے مطابق فارم 47 رات ساڑھے 10 بجے تک تیار ہو چکے تھے، ووٹر ٹرن آؤٹ 41 فیصد تھا جو عام انتخابات میں 50 فیصد تھا، گنتی کا عمل شفاف رہا جبکہ تمام پولنگ ایجنٹس کو فارم 45 دیا گیا۔
یاد رہے کہ گزشتہ روز پنجاب اسمبلی کے حلقہ پی پی 139 شیخوپورہ میں ہونے والا ضمنی انتخاب ن لیگ نے جیت لیا تھا۔
تازہ ترین خبروں کے لیے پی این آئی کا فیس بک پیج فالو کریں
