کراچی : نجی اسکولوں میں اضافی فیسوں کی وصولی سے متعلق والدین کے لئے اہم خبر آگئی ، نجی اسکولوں نے محکمہ تعلیم پرائیویٹ انسٹی ٹیوشن کے احکامات نظر انداز کردیئے۔
تفصیلات کے مطابق نجی اسکولوں کی جانب سے قواعد کے برعکس فیسوں کی وصولی جاری ہے، نجی اسکول کلاس اول سے 8 ویں جماعت تک امتحانی فیسیں بھی وصول کرتے ہیں۔
والدین کے اعتراضات کے باوجود شکایت کو دور نہیں کیا گیا اور محکمہ تعلیم پرائیویٹ انسٹی ٹیوشن کےاحکامات بھی نظر انداز کر دیئے گئے۔
پرائیویٹ اسکول ماہانہ فیس اور جون جولائی کی فیس وصول کرنے کے پابند ہیں جبکہ مونو گرام والی کاپیاں اور غیرضروری فیسیں قواعد کے برعکس ہیں۔
محکمہ تعلیم سندھ کا کہنا ہے کہ والدین ڈی جی پرائیویٹ انسٹی ٹیوشن آفس میں درخواست دے سکتے ہیں، خلاف ورزی کے مرتکب اسکول کیخلاف قواعد کے تحت کارروائی ہوگی۔
یاد رہے ڈائریکٹوریٹ پرائیویٹ انسٹیٹیوشن نے پرائیویٹ اسکولوں کیلیے ایک نوٹیفکیشن جاری کیا تھا، جس کے مطابق داخلہ اور ماہانہ فیس کے علاوہ تمام اضافی فیسیں غیر قانونی تصور کی جائیں گی۔
تازہ ترین خبروں کے لیے پی این آئی کا فیس بک پیج فالو کریں
