گلگت — اپر کوہستان کے علاقے شتیال کے قریب شاہراہ قراقرم پر ایک افسوسناک حادثے میں نجی کمپنی کی مسافر بس گہری کھائی میں جا گری۔ حادثے کے نتیجے میں تین افراد جاں بحق جبکہ 35 دیگر زخمی ہوئے ہیں۔
تفصیلات کے مطابق، یہ مسافر بس سکردو سے راولپنڈی کی طرف سفر کر رہی تھی کہ اچانک حادثے کا شکار ہو گئی۔ حادثے میں شامل مسافر بس میں خواتین اور بچے بھی موجود تھے۔ زخمیوں کو فوری طور پر قریبی RHC سینٹر شتیال اور ریجنل ہیڈکوارٹر ہسپتال چلاس منتقل کیا جا رہا ہے۔
جائے حادثے پر پولیس، ریسکیو ٹیمیں اور مقامی لوگ ریسکیو آپریشن میں مصروف ہیں۔ ہسپتال میں ایمرجنسی نافذ کر دی گئی ہے اور ڈاکٹروں اور پیرامیڈیکل اسٹاف کو ہائی الرٹ کر دیا گیا ہے تاکہ متاثرین کو فوری طبی امداد فراہم کی جا سکے۔
یہ حادثہ اس بات کا ثبوت ہے کہ گلگت شاہراہ قراقرم پر سفر کرتے وقت احتیاط کی ضرورت ہے، خاص طور پر موسم کی نازک صورتحال میں۔ پولیس اور مقامی انتظامیہ نے عوام سے درخواست کی ہے کہ وہ سفر کے دوران محفوظ رہنے کے لئے تمام احتیاطی تدابیر اختیار کریں۔
تازہ ترین خبروں کے لیے پی این آئی کا فیس بک پیج فالو کریں
