کراچی(پی این آئی) معروف کاروباری شخصیت اور چیئرمین ٹریڈ ڈیویلپمنٹ اتھارٹی آف پاکستان زبیر موتی والا نے کہا ہے کہ آرمی چیف جنرل عاصم منیر نے یقین دہانی کرائی ہے کہ بجلی کی فی یونٹ قیمت کم ہو کر 9 سے 10سینٹ ہو جائے گی.
آل ٹیکسٹائل ملز پروسیسنگ ایسوسی ایشن کے اجلاس سے خطاب کرتے ہوئے چیئرمین ٹی ڈیپ کا کہنا تھا کہ ہماری صنعتیں بند ہو رہی ہیں، گیس کی قیمت شاید کم نا ہو لیکن بجلی کی قیمتوں میں کمی متوقع ہے انہوں نے کہا کہ 100 ارب ڈالر اکٹھا کرنے کے لیے صرف میٹنگز کرنے سے کچھ نہیں ہو گا.انہوں نے کہاکہ پچھلے سال کی نسبت ٹیکسٹائل کی 3 ارب ڈالر ایکسپورٹ کم ہوئی ہے چیئرمین ٹی ڈیپ نے بتایا کہ فیڈرل بورڈ آف ریونیو (ایف بی آر) والے تو صنعت کاروں کے مسائل حل کرنے کے لیے فون بھی نہیں سنتے انہوں نے کہا کہ چیف آف آرمی اسٹاف جنرل عاصم منیر نے یقین دہانی کرائی ہے کہ بجلی کی فی یونٹ قیمت 9 سے 10 سینٹ ہو جائے گی.
تازہ ترین خبروں کے لیے پی این آئی کا فیس بک پیج فالو کریں
