گڈز ٹرانسپورٹ کا ہڑتال ختم کرنے کا اعلان

اسلام آباد (پی این آئی) وفاقی وزیراحسن اقبال کی صدرپاکستان گڈز ٹرانسپورٹرزایسوسی ایشن نبیل محمود طارق سےملاقات ہوئی ۔

وفاقی وزیر نےٹرانسپورٹرزسے ہڑتال ختم کرنےکی درخواست کی۔ مطالبات تسلیم کرنےکی یقین دہانی پرصدر گڈز ٹرانسپورٹرز نبیل محمود طارق نےہڑتال ختم کرنے کا اعلان کردیا۔پنجاب حکومت اوروفاقی اداروں کے سربراہان سوموارکو ٹرانسپورٹرزکے ساتھ ملاقات کریں گے۔وفاقی وزیراحسن اقبال کا کہنا تھا کہ ٹرانسپورٹرزکےمطالبات کا فوری طور پرجائزہ لیں گے۔ ٹرانسپورٹرزکےساتھ کسی بھی جگہ زیادتی ہوئی تواسکےازالےکو یقینی بنائیں گے۔صدر پاکستان گڈز ٹرانسپورٹرزایسوسی ایشن نبیل محمود طارق کا کہنا تھا کہ ٹرانسپورٹرزکبھی بھی ملکی معاشی ترقی کی راہ میں رکاوٹ نہیں بنیں گے۔ وفاقی وزیراحسن اقبال کی مطالبات تسلیم کرنےکی یقین دہانی پرہڑتال ختم کر رہے ہیں۔اتوار سےٹرانسپورٹرزسامان کی ترسیل کا عمل شروع کردیں گے۔ گڈزٹرانسپورٹ نے پچیس جولائی سےناجائز چالان اور ٹول ٹیکس میں اضافے کیخلاف ملک گیر ہڑتال کررکھی تھی.