اسلام آباد(پی این آئی)اس کیس کا مقصد صرف بھائی کو اندر رکھنا ہے، علیمہ خان کا انکشاف۔۔۔۔بانیٔ پی ٹی آئی کی ہمشیرہ علیمہ خان کا کہنا ہے کہ عدت کا کوئی کیس نہیں ہے، اس کا مقصد بھائی کو اندر رکھنا ہے۔یہ بات انہوں نے لاہور کی انسدادِ دہشت گردی کی عدالت میں پیشی کے موقع پر کہی۔بانیٔ پی ٹی آئی کی بہنیں عظمیٰ خان اور علیمہ خان عبوری ضمانت کی میعاد ختم ہونے پر آج انسدادِ دہشت گردی کی عدالت میں پیش ہوئیں۔
اس موقع پر مسرت چیمہ بھی عدالت میں پیش ہوئیں۔بانیٔ پی ٹی آئی کی ہمشیرہ علیمہ خان نے انسدادِ دہشت گردی کی عدالت کے باہر میڈیا سے گفتگو میں کہا کہ ضمانت کے لیے آ رہے ہیں، تفتیشی آفیسر پیش نہیں ہوتا، ہمیں انصاف نہیں مل رہا۔ان کا یہ بھی کہنا ہے کہ ہم نے عدالت سے استدعا کی ہے کہ اس کے لیے کوئی سزا مقرر کریں۔۔۔۔
تازہ ترین خبروں کے لیے پی این آئی کا فیس بک پیج فالو کریں
