کراچی (پی این آئی)پاکستان پیپلزپارٹی کی جانب سے مطالبہ کیا گیا ہے کہ ایم کیوایم ذوالفقار علی بھٹو کے خلاف بات کرنے پرمعافی مانگے اور گورنر سندھ مستعفی ہوں۔
کراچی میں وزیراطلاعات سندھ شرجیل میمن اور وزیر توانائی ناصر حسین شاہ نے پریس کانفرنس کی جس میں شرجیل میمن نے کہا کہ منہ توڑ جواب دینا ہمیں بھی آتا ہے۔شرجیل میمن نے کہا کہ حلفیہ کہتے ہیں ایم کیو ایم نے کبھی کسی باضابطہ ملاقات میں کوٹہ سسٹم ختم کرنے کا مطالبہ نہیں کیا۔ان کا کہنا تھا کہ متحدہ کی رابطہ کمیٹی میں آدھے سے زیادہ سرکاری ملازم بیٹھتے ہیں، ماضی میں سارے ٹارگٹ کلرز واٹربورڈ اور کے ایم سی کے ملازم ہوتے تھے، خالد مقبول کی سیاسی حیثیت صفر جمع صفر جمع صفر ہے۔ پریس کانفرنس سے خطاب کرتے ہوئے ناصر حسین شاہ نے کہا کہ ہم سمجھتے تھے انہوں نے منافرت کی سیاست سے کنارہ کشی اختیارکرلی ہے لیکن یہ دم ٹیڑھی کی ٹیڑھی رہی۔
تازہ ترین خبروں کے لیے پی این آئی کا فیس بک پیج فالو کریں
