لاہور(پی این آئی)بجٹ کے بعد مریم نواز حکومت کو بڑی حمایت ملنے کا فیصلہ…ن لیگ کی اتحادی استحکامِ پاکستان پارٹی (آئی پی پی) نے بجٹ کے بعد صوبائی کابینہ میں شامل ہونے کا فیصلہ کر لیا۔آئی پی پی کے ذرائع کے مطابق استحکامِ پاکستان پارٹی نے پنجاب میں 2 وزارتیں مانگ لیں۔آئی پی پی نے شعیب صدیقی اور غضنفر عباس چھینہ کے لیے وزارتوں کا مطالبہ کیا ہے۔مسلم لیگ ن کی جانب سے استحکامِ پاکستان پارٹی کو ایک وزارت دینے کا عندیہ دیا گیا ہے۔
آئی پی پی کو ایک پارلیمانی سیکریٹری یا کسی محکمے کی چیئرمین شپ بھی دی جائے گی۔عبدالعلیم خان کی وطن واپسی پر ن لیگ کے ساتھ معاملات طے کیے جائیں گے۔۔۔۔
تازہ ترین خبروں کے لیے پی این آئی کا فیس بک پیج فالو کریں
