لاہور (پی این آئی)مسلم لیگ (ن) کے مرکزی رہنما رانا مشہود احمد نے اپنے حلقہ کے الیکشن نتائج الیکشن ٹربیونل میں چیلنج کرنے کا اعلان کر دیا۔
سماجی رابطے کی ویب سائٹ ایکس پر اپنے پیغام میں لکھا کہ جنرل الیکشن 2024 میں سب سے زیادہ دھاندلی پی ٹی آئی کے آزاد امیدواران نے کی اور الٹا چور کوتوال کو ڈانٹے کی کہاوت پرعمل کرتے ہوئے پورے ملک میں دھاندلی کا شور اور واویلا شروع کر دیا، جس کی ایک مثال پی پی 172 میں سرعام دھاندلی اور ڈِھٹائی کی صورت میں ملتی ہے۔پی ٹی آئی رہنما میاں اظہر نے اس حلقے میں آر او کے ساتھ مل کر اصل نتائج کو تبدیل کیا، 9 فروری کو صبح 2 بجے تک رانا مشہود احمد خاں 6500 ووٹوں سے جیت رہے تھے مگر آر آو نے ملی بھگت کرتے ہوئے فارم 45 کی گنتی کی بجائے فارم 47 میں رانا مشہود کو 2730 ووٹوں سے ہروا دیا۔
انہوں نے مزید کہا کہ دوبارہ گنتی میں میرے ووٹوں میں واضح برتری آنا شروع ہوگئی تو میاں اظہر کے بیٹے حماد اظہر نے سوشل میڈیا پر پروپیگنڈا شروع کر دیا اور ری کاؤنٹنگ کے عمل کو متنازعہ بنا دیا، آر او کی ملی بھگت سے ری کاؤنٹنگ بلاوجہ معطل کر دی اور فارم 49 جاری کردیا، میں اپنے حق کے لیے آخری سطح تک جاؤں گا۔
تازہ ترین خبروں کے لیے پی این آئی کا فیس بک پیج فالو کریں
