اسلام آباد (پی این آئی) سنی اتحاد کونسل کےسربراہ حامد رضا نے الیکشن کمیشن کی سماعت میں زیربحث مخصوص نشستوں سےمتعلق کسی بھی خط لکھنے کی تردید کردی۔
حامد رضا کا کہنا تھا کہ وہ خط مخصوص نشستوں کے لیے نہیں بلکہ جنرل نشستوں پر 5 فیصد خواتین امیدواروں کے لیے تھا، چیئرمین سنی اتحادکونسل کا کہنا تھا کہ یہ بات حقائق کے برعکس ہےکہ سنی اتحاد کونسل کو مخصوص نشستیں نہیں چاہئیں،خط الیکشن کمیشن میں غلط انداز میں پیش کیا گیا۔خیال رہےکہ سنی اتحاد کونسل کا الیکشن کمیشن کو دیا گیا خط منظرعام پر آگیا ہے۔خط میں چیئرمین سنی اتحاد کونسل کا کہنا تھا کہ عام انتخابات میں سنی اتحاد کونسل کے نشان پر کسی امیدوار نے الیکشن نہیں لڑا، خواتین امیدوار کی کوئی فہرست وجود نہیں رکھتی لہٰذاجمع نہیں کرائی جارہی۔
تازہ ترین خبروں کے لیے پی این آئی کا فیس بک پیج فالو کریں
