ن لیگ نے مقبولیت میں پی ٹی آئی کو پیچھے چھوڑ دیا، نئی سروے رپورٹ جاری

لاہور(پی این آئی)مسلم لیگ (ن) پنجاب میں سب سے زیادہ مقبول جماعت بن گئی۔انسٹیٹیوٹ آف پبلک اوپینین اینڈ ریسرچ (آئی پی او آر) نے عوامی آرا پر شامل نیا سروے جاری کیا ہے۔

سروے کے مطابق پنجاب میں مسلم لیگ (ن) 45 فیصد کے ساتھ ووٹرکی سب سے پسندیدہ جماعت بن گئی۔پی ٹی آئی 35 فیصد کے ساتھ دوسرے نمبرپر رہی جبکہ پی پی پی 8 فیصد کی پسند ہے۔سروے کے مطابق ن لیگ صوبے میں کھوئی ہوئی مقبولیت واپس حاصل کرنے میں بھی کامیاب ہوئی ہے۔ن لیگ کی مقبولیت 32 فیصد سے 45 فیصد ہوگئی جبکہ پی ٹی آئی صرف ایک فیصد اضافہ کرپائی اور پی پی پی کی مقبولیت 5 فیصد سے 8 فیصد پر آگئی۔دوسری جانب سرورے میں پنجاب سے 51 فیصد شہریوں نے عام انتخابات میں ن لیگ کی جیت کی پیش گوئی کی اور وفاق سمیت پنجاب میں ن لیگ کی حکومت بننے کا دعویٰ کیا۔سروے کے مطابق 34فیصد نے پی ٹی آئی کی حکومت بننے کا کہا جبکہ 7 فیصد نے پاکستان پیپلز پارٹی کی حکومت بننے کی امید ظاہر کی۔

انسٹیٹیوٹ آف پبلک اوپینین اینڈ ریسرچ نے یہ سروے پنجاب سے 3 ہزار سے زائد افراد کی آراء کی بنیاد پر کیا۔خیال رہے کہ ملک میں عام انتخابات 8 فروری کو ہوں گے۔