لکی مروت(پی این آئی)لرزہ خیز واقعہ ، گھر سے 10 افراد کی 2دن پرانی لاشیں برآمد،خیبر پختونخوا کے ضلع لکی مروت میں واقع ایک گھر سے 10 افراد کی لاشیں برآمد ہوئیں ، جاں بحق افراد کی لاشیں 2دن پرانی ہیں۔تفصیلات کے مطابق خیبر پختونخوا کے ضلع لکی مروت کے تختی خیل میں گھر سے 10 افراد کی لاشیں ملی ہیں ، لاشوں میں گھرکا سربراہ خواتین اور بچے بھی شامل ہیں۔پولیس نے بتایا کہ جاں بحق افراد کی لاشیں 2دن پرانی ہیں تاہم ابتدائی طور پرکھانے میں کوئی زہریلی چیز استعمال ہوئی ہے.
پولیس کا کہنا تھا کہ ان کارشتہ دارجانی خیل وزیرستان سے2روزقبل کھانالایاتھا، متاثرہ خاندان کے سربراہ کا بھائی جب گھر پہنچا تو لاشوں کا پتہ چلا۔اطلاع ملنے ہرمقامی پولیس جائے وقوعہ پر پہنچ گئی اور لاشوں کو اسپتال منتقل کر کے واقعے کی تحقیقات شروع کردی گئی ہے۔
تازہ ترین خبروں کے لیے پی این آئی کا فیس بک پیج فالو کریں
