اسلام آباد(پی این آئی )حکومت کی جانب سے ترقیاتی فنڈز جاری نہ ہونے کی وجہ سے رواں ماہ کیلئے وفاقی سرکاری ملازمین کی تنخواہیں آئندہ ماہ تاخیر سے ریلیز ہونگیں۔
تفصیلات کے مطابق پرائمری بیلنس کا سرپلس ہدف حاصل کرنے کیلئے تنخواہیں، ترقیاتی فنڈز جاری نہ کیے جانے کا امکان ہے جس کی وجہ سے وفاقی سرکاری ملازمین کی تنخواہیں آئندہ ماہ تاخیر سے ریلیز ہونگیں۔
ذرائع وزارت خزانہ کا کہنا ہے کہ وزارت منصوبہ بندی کو ترقیاتی منصوبوں کیلئے پی ایس ڈی پی فنڈز بھی جاری نہیں کیے جائینگے، تنخواہیں، فنڈز روکنے کا فیصلہ آئی ایم ایف کوپرائمری بیلنس کا ہدف سرپلس دکھانےکیلئے کیا گیا۔
ذرائع کا یہ بھی کہنا ہے کہ وزارت خزانہ نے اے جی پی آرآفس کو فنڈز ریلیز نہ کرنے کیلئے ہدایات جاری کیں، آئی ایم ایف کیساتھ جی ڈی پی کا 0.4 فیصد پرائمری بیلنس سرپلس ہدف طے ہے۔
ذرائع نے مزید بتایا کہ وفاقی سرکاری ملازمین کو تنخواہ سمیت دیگر الاؤنسز بھی تاخیر سے جاری کیے جائینگے، تنخواہیں، ترقیاتی و غیر ترقیاتی فنڈز روک کر تقریباً 30 ارب سے زائد کی بچت دکھائی جائے گی۔
