کراچی (پی این آئی) پی آئی اے کا انڈونیشیا کے دارلحکومت جکارتہ میں پھنسے دو ائیربس 320 میں سے پہلا طیارہ واپس وطن پہنچ گیا، پی آئی اے نے 26 ملین ڈالر ادا کر کے طیارے حاصل کیے۔
تفصیلات کے مطابق پی آئی اے کے انڈونیشیا کے دارلحکومت جکارتہ میں پھنسے طیاروں کے معاملے پر دو ائیربس تھری ٹو زیرو میں سے پہلا طیارہ واپس وطن پہنچ گیا۔
ائیربس طیارہ رات ساڑھے دس بجے جکارتہ سے براستہ بنکاک وطن پہنچا، پی آئی اے نے لیزنگ کمپنی کو چھبیس ملین ڈالرادا کرکے طیارے اپنے بیڑے کیلئے حاصل کئے۔
ان طیاروں کی شمولیت سے پی آئی اے میں ائیربس ساختہ جہازوں کی تعداد سولہ ہو جائے گی جبکہ دوسرا طیارہ چند روز میں پی پی آئی اے کے بیڑے میں شامل ہو جائے گا۔
یاد رہے ترجمان پی آئی اے نے بتایا تھا کہ سیکریٹری ایوی ایشن کی سربراہی میں پی آئی اے کا اعلیٰ سطح کا وفد ملائیشیا گیا تھا، جس نے لیزنگ کمپنی ایئر ایشیا کے ساتھ طیاروں کا معاملہ حل کرنے کے لیے مذاکرات کیے۔ یہ دونوں طیارے لیزنگ کمپنی سے تنازعے کے سبب ستمبر 2021 سے جکارتہ میں کھڑے تھے۔
ترجمان کا کہنا تھا کہ ری ڈلیوری چارجز بچا کر ان طیاروں کو 26 ملین ڈالر کے عوض ہم نے خرید لیا ہے، وفد نے طیاروں کی ری ڈیلیوری کے لیے لیزنگ کمپنی سے مذاکرات کیے۔ ترجمان نے طیاروں پر 15 ملین ڈالر پارکنگ چارج ادا کیے جانے سے متعلق چھپنے والی خبر بھی غلط اور بے بنیاد قرار دی۔
تازہ ترین خبروں کے لیے پی این آئی کا فیس بک پیج فالو کریں
