اسلام آباد (آئی این پی )پاکستان تحریک انصاف کے سینئررہنما وسینیٹرڈاکٹرہمایوں مہمندنے کہا ہے کہ نواز شریف ایسے وقت واپس آیا جب شیرکے شکاری کوبندکردیاگیا۔ نجی ٹی وی سے گفتگو کرتے ہوئے ہمایوں مہمند نے کہا کہ چارسال پہلے نواز شریف یہ جھوٹ بول کر گئے تھے مجھے بہت سخت بیماری ہے اگرمیں بیرون ملک علاج کیلئے نہ گیاتومرجائوں گا۔انہوں نے کہاکہ ہم نے یہ دیکھا کہ وہ وہاں جاکر وہ ہر قسم کے کھانے کھا رہے ہیں، اس وقت تومریم نواز یہ کہتی تھیں کہ نواز شریف کو ہروقت اٹیک ہورہے ہیں۔میرے مطابق ان کے پاس موقع تھا وہ پاکستان آتے، یہاں رہتے،کیسز غلط یا صحیح تھے ان کا میرٹ پرسامنا کرتے۔
وہ ڈیل نہ کرتے اور لوگوں کی غیرضروری مدد نہ لے کر پاکستان میں رہتے تو میں مانتا کہ ہاں یہ نڈرشخص ہے۔پی ٹی آئی رہنما نے کہا کہ یہ جونعرے لگا رہے تھے کہ شیر واپس آرہاہے، یہ بزدل شخص ایسے وقت میں واپس آیاجب شیرکے شکاری کوبندکردیاگیا،مزہ تو تب آتا جب شکاری ہوتا تو شیرآتا، تب میں بھی مانتا کہ واقعی ہی شیر میں کوئی دم ہے۔۔۔
تازہ ترین خبروں کے لیے پی این آئی کا فیس بک پیج فالو کریں
