اسلام آباد (آئی این پی )پاکستان پیپلز پارٹی کے سینئر رہنما اور سابق وفاقی وزیر صحت قادرخان مندوخیل نے کہاہے کہ عثمان ڈارکابیان پی ٹی آئی کیلئے خطرناک ثابت ہوگا۔ انہوں نے نجی ٹی وی سے گفتگو کرتے ہوئے کہا کہ عثمان ڈار کی والدہ کا بیان انتہائی اہم ہے،وہ انتخابات میں خواجہ آصف کیلئے مشکلات کھڑی کر سکتی ہیں۔
کسی کے گھر پر بغیر وارنٹ کے چھاپے قابل قبول نہیں ہیں ، پنجاب کے ترقیاتی کام چل رہے ہیں لیکن سندھ میں نہیں چل رہے۔ سابق وفاقی وزیر نے کہا کہ پنجاب میں پاور ڈویژن کے تمام ہیڈ ن لیگ کے سابق ایم این اے،ایم پی اے ہیں۔سندھ میں ایس ایچ اوسے آئی جی تک اور سیکریٹریز کو تبدیل کر دیا گیا ، کیا یہ تبادلے الیکشن کمیشن کو نظر نہیں آ رہے۔قادر مندوخیل کا مزید کہنا تھا کہ آخر الیکشن کمیشن لیول پلئینگ فیلڈ کس کیلئے کر رہا ہے۔
تازہ ترین خبروں کے لیے پی این آئی کا فیس بک پیج فالو کریں
