چوہدری پرویز الٰہی اور مونس الٰہی کی ق لیگ میں واپسی سے متعلق چوہدری شافع حسین کا بڑا بیان آگیا

اسلام آباد(پی این آئی)مسلم لیگ قائداعظم (ق) کے رہنما و سابق وزیراعظم چوہدری شجاعت کے بیٹے چوہدری شافع حسین نے کہا ہے کہ سابق وزیراعلیٰ پنجاب چوہدری پرویزالٰہی اور ان کے بیٹے مونس الٰہی کی ق لیگ میں واپسی کا کوئی چانس نہیں۔

لاہور میں سابق وفاقی وزیر و مسلم لیگ ضیا کے سربراہ اعجاز الحق نے چوہدری شجاعت حسین سے ملاقات کی اور ان کی خیریت دریافت کی۔ملاقات میں ملکی سیاسی صورتحال پر تبادلہ خیال بھی کیا گیا جبکہ ملاقات میں چوہدری سالک اورچوہدری شافع بھی موجود تھے۔ملاقات کے بعد میڈیا سے گفتگو میں چوہدری شافع حسین کا کہناتھاکہ پرویز الٰہی اور مونس کی ق لیگ میں واپسی کا کوئی چانس نہیں، جس حد تک حالات پہنچ گئے ہیں، بہتر ہے دونوں خاندان اپنی علیحدہ علیحدہ سیاست کریں۔اس موقع پر اعجاز الحق کا کہنا تھا کہ تمام سیاسی جماعتوں کو لیول پلیئنگ فیلڈ ملنی چاہیے، نوازشریف کا استقبال ہتکھڑیوں سے ہوگا یا پھولوں کی پتیوں سے؟ کچھ نہیں کہہ سکتا، شہباز شریف جو پیغام لندن لے کر گئے تھے ، دیکھنا ہوگا اُس کا کیا ردِ عمل کیا آتا ہے۔انہوں نے کہا کہ آئندہ کا سیاسی لائحہ عمل چوہدری شجاعت کی سربراہی میں بنائیں گے جن لوگوں نے جو غلطیاں کیں وہ قوم سے معافی مانگیں، ہرکسی کو اپنے دائرہ اختیار میں رہ کر کام کرنا پڑےگا۔