لندن (پی این آئی)سابق وزیراعظم شہباز شریف نے لیگی قائد نواز شریف سے ملاقات کےلیے لندن آنے والے پارٹی رہنماؤں کو پروگرام کینسل کرنے کا کہہ دیا۔میڈیا سے گفتگو میں انہوں نے کہا کہ نواز شریف کی 21 اکتوبر کو وطن واپسی کا پروگرام فائنل ہے۔
ملکی عوام تاریخی استقبال کریں گے، تمام پارٹی رہنما 21 اکتوبر سے قبل بیرون ملک سفر نہ کریں۔انہوں نے مزید کہا کہ نواز شریف سے ملاقات کےلیے لندن آنے والے تمام پارٹی بھی پروگرام کینسل کریں اور ن لیگی قائد کے استقبال کےلیے اپنے حلقوں میں وقت دیں۔سابق وزیراعظم نے یہ بھی کہا کہ نواز شریف پروگرام کے مطابق پاکستان پہنچیں گے اور عوام اُن کا والہانہ استقبال کریں گے۔آئندہ انتخابات میں مسلم لیگ ن کا بیانیہ سابقہ ادوار کی کارکردگی ہو گی، نواز شریف نے لوڈشیڈنگ کاخاتمہ کیا اور اربوں روپے کا سی پیک شروع کیا۔شہباز شریف نے کہا کہ مسلم لیگ ن کے دور میں مہنگائی کم ترین سطح پر تھی، نواز شریف ترقی کا سفر وہیں سے شروع کریں گے جہاں روکا گیا تھا۔
تازہ ترین خبروں کے لیے پی این آئی کا فیس بک پیج فالو کریں
