اسلام آباد(پی این آئی) سابق چئیرمین ایف بی آر کا 5 ہزار نوٹ بند کرنے کا مطالبہ۔۔ معاشی ماہر اور سابق چیئرمین ایف بی آر شبر زیدی نے پانچ ہزار کا نوٹ، منی چینجر وں کی دکانیں اور امیر علاقوں میں گیس کنکشن بند کرنے کا مطالبہ کر دیا۔
شبر زیدی نے کہا کہ 5 ہزار کا نوٹ بند کردیں اور اعلان کردیں کہ یہ نوٹ بینک میں جمع کروادیں، پانچ ہزار کا نوٹ بینک میں جمع کرنے کا کہہ دیں آدھے لوگ کلیم ہی نہیں کریں گے۔انہوں نے کہا کہ بھارت نے نوٹ بندی کا عمل فوری کر دیا تھا ہم ایسا نہیں چاہتے، ایکسچینج کمپنیاں بند کرنے کی بات کی تھی اب لوگوں کو سمجھ آئی، سوائے دبئی کے دنیا میں کہیں ایکسچینج کمپنیاں نہیں ہوتیں۔انہوں نے کہا کہ افغان ٹرانزٹ ٹریڈ محدود ہو جائے تو پاکستان کی آدھی مارکیٹ ٹھیک ہو جائے گی۔شبر زیدی نے یہ بھی کہا کہ اپر، مڈل اور مڈل اپر کلاس کی گیس کنکشن کاٹیں اور صارفین کو سلنڈر پر لائیں، امیر صارفین کو کہیں کہ گیس سلنڈر لیں، گیس کنکشن کی عیاشی ملک فورڈ نہیں کر سکتا۔
تازہ ترین خبروں کے لیے پی این آئی کا فیس بک پیج فالو کریں
