عمران خان بشریٰ بی بی کے ذریعے ڈیل میں مصروف ہیں، پی ڈی ایم رہنما نے بڑا دعویٰ کر دیا

اسلام آباد(انٹرنیوز)پی ڈی ایم کے ترجمان اور جے یو آئی کے رہنما حافظ حمداللہ نے دعویٰ کیا ہے کہ چیئرمین پی ٹی آئی اپنی اہلیہ بشری بی بی کے ذریعے ڈیل میں مصروف ہیں، اور ان کی بیوی کی ملاقاتوں کی سی سی ٹی فوٹیج بھی موجود ہے۔پی ڈی ایم کے ترجمان حافظ حمداللہ کا کہنا ہے کہ کل تک این آر او نہینہیں دینے کا گردان کرتے نہیں تھکتے تھے، چیئرمین پی ٹی آئی آج خود این آر آو کی بھیک مانگ رہے ہیں۔

حافظ حمداللہ نے دعویٰ کیا کہ چیئرمین پی ٹی آئی بشری بی بی کے ذریعے ڈیل میں مصروف ہیں،ان کی اہلیہ کی ملاقاتوں کی سی سی ٹی فوٹیج بھی موجود ہے، اگر دوست ملک کا خیال نہ ہوتا تو سی سی ٹی وی فوٹیج دکھا دیتا، اور ملک و شخصیت کا نام بھی بتا دیتا، لیکن ہم ایسا نہیں کر سکتے۔رہنما جے یو آئی نے کہا کہ چیئرمین پی ٹی آئی پہلے ہی کئی ممالک سے تعلقات خراب کر چکے ہیں۔ وہ کسی قسم کی رعایت کے مستحق نہیں، انہیں ہرسوال کا جواب دینا ہوگا۔حافظ حمد اللہ کا مزید کہنا تھا کہ چیئرمین پی ٹی آئی کی حقیقت قوم کے سامنے آچکی ہے۔ پہلے کہا تھا یہ کسی اور کی زبان بول رہے ہیں، آج ملک کی تباہی وبربادی کے ذمہ دار عمران خان اور ان کے سپورٹرز ہیں۔