اسلام آباد (پی این آئی )چیئرمین تحریک انصاف اس وقت توشہ خانہ کیس میں تین سال قید کی سزا پانے کے بعد اٹک جیل میں قید ہیں اور ان کے وکلاءسزا کو کالعدم قرار دلوانے کیلئے سر توڑ کوششیں کرتے ہوئے اعلیٰ عدلیہ میں درخواستیں دائر کر رہے ہیں۔
ان دونوں سابق وزرائے اعظم کو عدالتوں سے سزا دلوا کر نااہل کیا گیا دونوں بار بار جیل گئے کیا یہ دونوں کبھی سوچیں گے کہ اگر ان کا سیاسی اختلاف انتقام نہ بنتا اور یہ آپس میں لڑ لڑ کر کمزور نہ ہوتے تو آج حالات کچھ مختلف ہوتے ؟ pic.twitter.com/hSLZJYhVcr
— Hamid Mir حامد میر (@HamidMirPAK) August 8, 2023
تفصیلات کے مطابق عمران خان کو بھی اسی جیل میں قید کیا گیا ہے جہاں کی مشکلات ماضی میں نوازشریف بھی برداشت کر چکے ہیں لیکن چونکہ وہ آج کل بیرون ملک ہیں اور پاکستان آنے کی تیاریاں کر رہے ہیں تو اسی صورتحال میں سینئر صحافی حامد میر نے نوازشریف اور عمران خان کی ایک ساتھ بیٹھے ہوئے ماضی میں بنائی گئی یادگار تصویر شیئر کی اور ساتھ ایک اہم سوال بھی اٹھا دیا ۔حامد میر نے تصویر کے ساتھ تبصرہ کرتے ہوئے لکھا کہ ” ان دونوں سابق وزرائے اعظم کو عدالتوں سے سزا دلوا کر نااہل کیا گیا دونوں بار بار جیل گئے کیا یہ دونوں کبھی سوچیں گے کہ اگر ان کا سیاسی اختلاف انتقام نہ بنتا اور یہ آپس میں لڑ لڑ کر کمزور نہ ہوتے تو آج حالات کچھ مختلف ہوتے ؟“۔
تازہ ترین خبروں کے لیے پی این آئی کا فیس بک پیج فالو کریں
