پشاور (پی این آئی) وہ صوبہ جہاں سیاسی اجتماعات پر پابندی لگا دی گئی۔۔ خیبر پختونخوا کی نگران حکومت نے باجوڑ میں جے یو آئی ورکرز کنونشن میں دھماکے کے بعد صوبے بھر میں سیاسی اجتماعات پر پابندی عائد کردی۔ محکمہ داخلہ خیبرپختونخوا کی جانب سے ڈویژنل کمشنرز اور ڈپٹی کمشنرز کو پابندی کا مراسلہ جاری کردیا گیا ہے۔
مراسلے میں ضلعی انتظامیہ کو احکامات پر سختی سے عمل درآمد کروانے کی ہدایات کی گئی ہے اور ڈپٹی کمشنرز کی پیشگی اجازت کے بغیر کسی بھی جگہ عوامی اجتماع پر پابندی عائد ہو گی۔ صوبائی حکومت کی طرف سے یہ اقدام امن و امان کی سنگین صورت حال اور دہشت گردی کے بڑھتے ہوئے واقعات کے پیش نظر اٹھایا گیا۔
تازہ ترین خبروں کے لیے پی این آئی کا فیس بک پیج فالو کریں
