بھارت جاکر شادی کرنیوالی سیما جاکھرانی سے متعلق مزید حیران کن انکشافات سامنے آگئے

راولپنڈی ( پی این آئی)پاکستانی خاتون سیما کے بھارت جا کر شادی کرنے کے معاملے پر تحقیقاتی اداروں نے ابتدائی رپورٹ مرتب کر لی۔رپورٹ کے مطابق سیما کے بچوں کی پیدائش کے حوالے سے ریکارڈ حاصل کر لیا گیا ہے۔

سیما حیدر کے پاکستان سے نیپال جانے کا معاملہ صرف بھارتی شہری سے تعلقات ہیں۔سیما رضا دختر غلام رضا نے 15 فروری 2014ءکو جیکب آباد کی عدالت سے شادی کی اجازت لی، عدالتی اجازت کے بعد اس نے غلام حیدر جاکھرانی سے شادی کی۔عدالتی بیان میں سیما حیدر نے اپنی عمر 19 سال بتائی تھی، یکم جنوری 2018ءسے 2 جنوی 2021ءکے درمیان سیما نے 4 بچوں کو جنم دیا، اس کا والد رکشہ ڈرائیور، بھائی سرکاری ملازم اور 2 بہنیں ہیں۔سیما نے فلائٹ ایف زیڈ 336 کے ذریعے پہلا سفر کیا، وہ رواں سال 10 مئی کو فلائٹ دبئی کے ذریعے شارجہ سے کراچی واپس آئی۔سیما نے 18 مئی کو فلائٹ نمبر G9542 کے ذریعے بچوں کے ہمراہ سفر کیا، اس نے کراچی سے فلائٹ لی،اس سے قبل اس کے کسی فضائی سفر کا ریکارڈ نہیں مل سکا۔رپورٹ کے مطاب نادرا میں شناختی کارڈ بنوانے کے دوران سیما کی عمر کا اندراج غلط کرایا گیا۔