میانوالی ائیربیس پر حملے میں عمران خان کے کونسی قریبی لوف ملوث ہیں؟ وزیر دفاع خواجہ آصف کا بڑا دعویٰ

سیالکوٹ(پی این آئی) وزیر دفاع خواجہ محمد آصف نے کہا ہے کہ میانوالی ائیر بیس پر حملہ کرنے والوں میں چیئرمین پی ٹی آئی کی بہنیں اور بھانجا شامل تھا وہ مسترد کر رہا کہ ان کے رشتہ دار اور ورکر نہیں تھے۔سیالکوٹ میں میڈیا سے گفتگو کرتے ہوئے خواجہ آصف نے کہا کہ نشان حیدر حاصل کرنے والے شہدا کو خراج تحسین پیش کرتے ہیں، قوموں کیلئے تاریخ سے وابستہ ہونا ضروری ہے، وطن کی حفاظت کیلئے جانیں قربان کرنے والے شہدا کی قربانیوں کو یاد رکھنا چاہیے، جو قومیں اپنے محسنوں کو فراموش کر دیتی ہیں ان کا زندہ رہنے کا جواز ختم ہو جاتا ہے، اپنے محسنوں کو یاد رکھنا قوم پر قرض ہے۔

وزیر دفاع نے کہا ہے کہ وال آف یادگار شہدا ملک کی خاطر جان قربان کرنے والوں کی تاریخ کو تازہ کرے گی، آج بھی دہشت گردی کی جنگ جاری ہے، کل پاک افغان سرحد پر بڑی جھڑپ ہوئی، پاک فوج نے دہشت گردی کا بہت بڑا حملہ پسپا کیا ہے، پوری قوم نے فوج کی تنصیبات پر حملہ کرنے والوں کو دیکھا ہے، اگر یہ باتیں تیس چالیس سال پہلے ہوتیں تو شکوک و شہبات ہو سکتے تھے اب تو کیمرہ تصویریں وائرل کر رہا ہے۔