پشاور(پی این آئی ) وکیل شیر افضل مروت نے دعویٰ کیا ہے کہ پاکستان تحریک انصاف(پی ٹی آئی) کے سابق رہنما پرویز خٹک ایک دو روز میں اپنی سیاسی جماعت متعارف کروا رہے ہیں۔
معروف وکیل شیر افضل مروت کی جانب سے اپنے ایک بیان میں پرویز خٹک کے سیاسی مستقبل کے حوالے سے بڑا دعویٰ کیا گیا کہ پرویز خٹک نئی پارٹی بنانے جارہے ہیں جس میں زیادہ تر ارکان، پی ٹی آئی کے سابق عہدیدار، ایم این اے اور ایم پی اے ہیں۔ پارٹی کو اقتدار کی راہداریوں کی مکمل آشیرباد اور حمایت حاصل ہے۔ مالاکنڈ میں پی ٹی آئی کے بیشتر رہنما سمجھوتہ کر چکے ہیں جبکہ سینئر نام بڑا سرپرائز دینے والا ہے۔ انہوں نے مزید کہا کہ نئی پارٹی مالاکنڈ ڈویژن سمیت 6 اضلاع، لکی مروت اور کوہاٹ سے حمایت کا ارادہ رکھتی ہے۔ اس حوالے سے پی ٹی آئی والوں کو بھی پرویز خٹک سے تعاون کرنے کی ہدایت کی جا رہی ہے۔
تازہ ترین خبروں کے لیے پی این آئی کا فیس بک پیج فالو کریں
