فیصل آباد(آئی این پی)مسلم لیگ (ن)کے رہنما اور وزیر داخلہ رانا ثنا اللہ نے کہا ہے کہ عمران خان نے مخالفین کے خلاف نفرتیں پھیلائیں اور آج مکافات عمل کا شکار ہے،اپنے ایک بیان میں وزیر داخلہ رانا ثنا اللہ نے کہا کہ عمران خان نے اپنے دور حکومت میں کوئی ترقیاتی کام نہیں کیا، عمران ایک فتنہ ہے جس نے احتجاج، دھرنے کے علاوہ کچھ نہیں کیا،
انہوں نے کہا کہ 2018 میں منصوبے کے تحت مسلم لیگ(ن)کے خلاف سازش کی گئی، عمران خان جیل سے اتنا خوفزدہ ہے کہ لوگوں کو ڈھال بنائے رکھا، اپنے کارکنوں کو شرپسندی کی تربیت دی، پی ٹی آئی کے شرپسندوں نے حساس تنصیبات پر حملے کیے،رانا ثنا اللہ کا کہنا تھا کہ عمران خان نے مخالفین کے خلاف جھوٹے مقدمات بنائے، اسے اپنے مخالفین کو جیلوں میں بھیجنے کا بہت شوق تھا، عمران خان نے سیاست میں گالم گلوچ کا کلچر متعارف کروایا، عمران خان کہتا رہا کہ اگر مجھے گرفتار کیا گیا تو ردعمل آئے گا۔
تازہ ترین خبروں کے لیے پی این آئی کا فیس بک پیج فالو کریں
