پی ٹی آئی کے دو مزید سینئر رہنما گرفتار کر لیے گئے

اسلام آباد (پی این آئی) پی ٹی آئی کے سینئر رہنماؤں علی محمد خان اور سینیٹر اعجاز چوہدری کو گرفتار کر لیا گیا ہے۔۔۔ذرائع کے سینیٹر اعجاز چوہدری کو گلگت بلتستان ہاؤس سے گرفتار کیا گیا ہے۔۔۔ اعجازچوہدری کی ایک آڈیو ٹیپ گذشتہ روز پہلے سامنے آئی تھی جس میں وہ اپنے بیٹے کو کور کمانڈر ہاؤس لاہور پر حملے کی تفصیل بتا کر خوشی اور اطمینان کا اظہار رہے تھے۔۔۔ دوسری جانب اسلام آبادپولیس نے پی ٹی آئی کے گرفتاررہنماؤں کو اڈیالہ جیل منتقل کردیاہے۔۔۔

اسلام آباد پولیس کے ذرائع کے مطابق پولیس نے پی ٹی آئی کے گرفتار تینوں رہنماسینئر وائس چیئرمین شاہ محمود قریشی، سیکرٹری جنرل اسد عمر اور فواد چوہدری کو اڈیالہ جیل منتقل کردیا ہے۔۔۔اسلام آبادپولیس نے پی ٹی آئی کے تینوں رہنماؤں کو گزشتہ روز نقص امن کے خطرات کی وجہ سے تھری ایم پی او کے تحت گرفتار کیا تھا۔۔۔ یہ بات اہم ہے کہ اسد عمر کو اسلام آباد ہائیکورٹ اور فواد چوہدری کو سپریم کورٹ کے احاطے سے جب کہ شاہ محمود قریشی کو جی بی ہاؤس سے گرفتار کیا گیا تھا۔۔۔