میرے مرنے کے بعد مریم نواز میری تمام جائیداد کی مالک ہوں گی، شہری نے اپنی ہزاروں کنال اراضی مریم نواز کے نام وصیت کر دی

لاہور (پی این آئی) آزاد کشمیر کے شہری نے اپنی ساری زمین مسلم لیگ ن کی چیف آرگنائزر مریم نواز کے نام کردی،شہری نے کہا ہے کہ مریم نواز کو مکمل اختیار ہے کہ وہ اس اراضی کو جیسے چاہیں استعمال کریں۔زاہد حسین نامی شہری نے وصیت نامے میں کہا کہ وہ اپنی تمام اراضی چاہے وہ 50 ہزار کینال ہو یا 32 ہزار کینال ، مریم نواز کو دیتے ہیں۔مریم نواز چاہے یہاں اسپتال بنائیں یا کسی فلاحی کام کر لیے استعمال کر سکتی ہیں۔

OMG! Why would he do that! It is very touching though ❤️🙏🏼 https://t.co/Q6N56IKBI4

— Maryam Nawaz Sharif (@MaryamNSharif) May 5, 2023

وصیت نامے میں لکھا گیا کہ مریم نواز کو مکمل اختیار ہے کہ وہ اس اراضی کو جیسے چاہیں استعمال کریں۔وصیت میں کہا گیا کہ مریم نواز صرف میرے بچوں کے ملکیتی رقبے 50 کنال کو چھوڑ کر باقی مظہر کی حیات میں 50 فیصد کی مالک جب کہ مظہر کی وفات کے بعد 100 فیصد کی مالک ہوں گی۔وصیت نامہ سوشل میڈیا پر آیا تو مریم نواز بھی تبصرہ کیے بغیر نہ رہ سکیں۔مریم نواز نے سماجی رابطے کی ویب سائٹ ٹویٹر پرٹویٹ کرتے ہوئے کہا کہ وہ ایسا کیوں کرے گا، اگرچہ یہ دل کو بہت چھونے والا ہے۔مریم نواز نے ردِعمل میں اظہارِ محبت و تشکر کے ایموجیز بھی استعمال کیے۔رواں سال جب مریم نواز لندن سے پاکستان واپس آ رہی تھیں تو لندن سے واپسی پر ابوظہبی ائیرپورٹ پر مریم نواز کا لیگی کارکنان کی جانب سے استقبال کیا گیا۔مریم نواز کو ابوظہبی ائیرپورٹ پر لیگی کارکن نے سونے کا تاج پہنا دیا۔تاج میں مریم نواز کے ساتھ ان کے والد اور والدہ کی تصویر لگائی گئی تھی۔مریم نواز کی جانب سے ان کا شکریہ بھی ادا کیا گیا۔