پی ٹی آئی لاہور ہائیکورٹ پہنچ گئی، چیف جسٹس سے دلچسپ مکالمہ کیا ہوا؟

لاہور (پی این آئی) لاہور ہائیکورٹ کے چیف جسٹس امیر بھٹی نے عمران خان کی گرفتاری کے معاملے پر فواد چوہدری سے کیا ہے کہ یہ اسلام آباد کا معاملہ ہے آپ وہاں جائیں۔۔۔۔عمران خان کی لیگل ٹیم چیف جسٹس لاہور ہائیکورٹ کی عدالت میں پیش ہوئی جس دوران فواد چوہدری نے عدالت سے کہا کہ تحریک انصاف کے ساتھ غلط برتاؤ برتا جا رہا ہے۔۔۔۔ چیف جسٹس نے کہا کہ پٹیشن کے بغیر کیسے سن سکتے ہیں؟ فاضل عدالت نے سوال کیا کہ ناقابل ضمانت وارنٹ کب جاری ہوئے ہیں،

اس پر وکیل اظہر صدیق نے بتایا کہ یہ پرسوں جاری ہوئے اور 18 مارچ کو پیش ہونا ہے۔۔۔۔عدالت نے کہا کہ یہ اسلام آباد کا معاملہ ہے آپ وہاں جائیں، اس پر فواد چوہدری نے کہا کہ یہ لوگوں کی زندگیوں کا معاملہ ہے، ہم آدھے گھنٹے میں پٹیشن دائر کر رہے ہیں، آپ حکم جاری کردیں کہ پٹیشن کو فوری فکس کیا جائے۔۔۔ عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا، رات سے معاملہ چل رہا تھا تو آپ کو صبح ساڑھے 8 بجے پٹیشن لانی چاہیے تھی۔ وکیل نے کہا کہ ہم نے عمران خان کے دستخط کرانے کی کوشش کی لیکن ممکن نہیں ہوسکا، اس پر عدالت نے کہا کہ ان کے دستخط کی ضرورت نہیں، کوئی اور کر دے۔۔۔۔