سرکاری و نیم سرکاری بڑے ادارے بجلی کے نادہندہ، کس کے ذمہ کتنے کروڑ واجب الادا؟ آئیسکو نے فہرست جاری کر دی

اسلام آباد (پی این آئی) بجلی واجبات کے نادہندہ اداروں کی جاری کی جانے والی تازہ فہرست میں صرف ایک ڈسٹری بیوشن کمپنی آئیسکو کے سرکاری و نیم سرکاری بڑے اداروں کے ذمے اربوں روپے واجب الادا ہیں، آئیسکو کی جانب سے ادائیگی کے لیے اداروں کو نوٹس جاری کر دیئے گئے ہیں۔ اس حوالے سے آئیسکو کے ترجمان کے مطابق نادہندگان کی بجلی پیشگی اطلاع یا بغیر کسی نوٹس کے منقطع کر دی جائے گی،

ادارے اپنے ذمے واجب الاد بجلی واجبات کی ادائیگی فوراً کریں۔نادہندہ اداروں کی تفصیل جاری کرتے ہوئے آئیسکو کے ترجمان کا کہنا ہے کہ آزاد جموں کشمیر پر 105335ملین روپے واجب الادا ہیں، ڈیفنس ایم ای ایس پر 3211 ملین، سی ڈی اے 2880 ملین اور پاک سیکرٹریٹ (سی ڈی اے) 689 ملین روپے کے نادہندہ ہیں۔ ترجمان نے کہا کہ کیبنٹ سیکرٹریٹ (سی ڈی اے) 79 ملین، کینٹ بورڈ چکلالہ 896 ملین روپے کا نادہندہ ہیں، ڈیفنس پروڈکشن ڈویژن 263 ملین، پی ڈبلیو ڈی 200 ملین، فیڈرل گورنمنٹ کے زیر انتظام ہسپتال 198ملین، کینٹ بورڈ راولپنڈی کے 168ملین روپے کے بل جمع نہیں ہوئے جبکہ وزارت ریلوے 147 ملین، فیڈرل پولیس 146ملین روپے کے نادہندہ ہیں۔ ترجمان آئیسکو کا مزید کہنا ہے کہ ٹی ایم اے راول ٹاؤن 125 ملین روپے کے نادہندہ ہیں، پارلیمنٹ لاجز نے 112 ملین، پی ایم سیکرٹریٹ (پی ڈبلیوڈی) نے 84 ملین روپے ادا نہیں کیے، وزارت داخلہ نے 83 ملین، چیف کمشنر اسلام آباد 70 ملین، وزارت صحت 58 ملین، منسٹری آف کلچر اینڈ اسپورٹس 54 ملین، ٹی ایم اے مری 52 ملین اور واسا 449 ملین روپے کے نادہندہ ہیں۔

ترجمان نے کہا کہ ایف آئی اے 23 ملین، پنجاب میٹرو بس 18ملین، ہیلتھ ڈسٹرکٹ گورنمنٹ جہلم 18ملین، منسٹری آف لوکل گورنمنٹ 17 ملین، منسٹری آف انوائرمنٹ اینڈ یو آر بی 16 ملین، منسٹری آف حج اینڈ اوقاف 16 ملین روپے کے بجلی کے واجبات ادا نہیں کیے۔ ترجمان نے کہا کہ ان تمام نادہندہ سرکاری و نیم سرکاری اداروں کو آئیسکو کی جانب سے ادائیگی کے لیے نوٹس جاری کر دیئے گئے ہیں۔ ترجمان کے مطابق نادہندگان کی بجلی پیشگی اطلاع یا بغیر کسی نوٹس کے منقطع کر دی جائے گی، ادارے اپنے ذمے واجب الاد بجلی واجبات کی ادائیگی فوراً کریں۔۔۔۔