عدالت میں عمران خان کے حلف نامے اور وکالت نامے پر مختلف دستخط، معاملہ سنجیدہ ہے،لاہور ہائیکورٹ نے توہین عدالت نوٹس کا اشارہ دے دیا

لاہور (پی این آئی) لاہور ہائیکورٹ نےعمران خان کی طرف سے جمع کرائے جانے والے حلف نامے اور وکالت نامے پر مختلف دستخطوں کا نوٹس لے لیا ہے۔عمران خان کی طرف سے دائر کی گئی حفاظتی ضمانت سے متعلق درخواست پر سماعت میں جسٹس طارق سلیم نے عمران خان کے وکیل اظہر صدیق نے مکالمہ کیا کہ ابھی ایک مسئلہ ہے، درخواست، حلف نامے اورآپ کے وکالت نامے پر عمران خان کے دستخط مختلف ہیں،

دستخط کیسے مختلف ہوگئے۔فاضل جج کے استفسار پر وکیل نے کہا کہ مجھے وقت دیں، دیکھ لیتا ہوں، اس پر عدالت نے کہا کہ آپ ابھی دیکھ لیں،کسی نے یہ فراڈکی کوشش کی ہے، اس میں آپ کویا عمران خان کو توہین عدالت کا نوٹس دوں گا۔عدالت نے عمران خان کے وکیل کی درخواست واپس لینے کی استدعا رد کرتے ہوئے کہا کہ میں یہ درخواست واپس لینےکی اجازت نہیں دوں گاجب تک یہ معاملہ حل نہ ہوجائے۔عدالت کےریمارکس پر ایڈووکیٹ اظہر صدیق نے دستخط مختلف ہونے پر جواب کے لیے وقت مانگ لیا جس پر عدالت نے کہا کہ معاملہ سنجیدہ ہے، نظر انداز نہیں کیا جاسکتا، اس درخواست کو التوا میں رکھ رہے ہیں۔۔۔۔