اسلام آباد (پی این آئی) سابق وزیراعظم اورمسلم لیگ (ن )کے قائد نوازشریف نے مریم نواز کو شاہد خاقان عباسی کے تحفظات دور کرنے کا ٹاسک سونپ دیا۔
لیگی ذرائع کے مطابق شاہد خاقان عباسی کی ایک سیاسی دھڑے کے ہمراہ سیاسی سرگرمیوں کے بعد مسلم لیگ (ن )کے قائد نوازشریف نے مریم نواز کو شاہد خاقان عباسی کے تحفظات دور کرنے کا ٹاسک سونپ دیا۔ذرائع کے مطابق شاہد خاقان عباسی کو پارٹی قیادت کے کئی بڑے فیصلوں پر تحفظات ہیں۔ میڈیا رپور ٹ کے مطابق پارٹی کے سینئر نائب صدر کے عہدے سے عملاً ہٹایا جانا شاہد خاقان عباسی کی ناراضگی کا بڑا سبب ہے،شاہد خاقان عباسی مریم نواز کے استقبال کیلئے لاہور بھی نہیں گئے تھے۔لیگی ذرائع کے مطابق شاہد خاقان عباسی کو مسلم لیگ (ن )کے اندر کئی رہنمائوں کی حمایت حاصل ہے۔ ذرائع کے مطابق نوازشریف کی ہدایت پر مریم نواز شاہد خاقان عباسی کے تحفظات دور کرنے کی کوشش کریں گی،مریم نواز کی شاہد خاقان عباسی سے جلد ملاقات بھی متوقع ہے۔
تازہ ترین خبروں کے لیے پی این آئی کا فیس بک پیج فالو کریں
