وزیر خزانہ اسحاق ڈار نے پاکستان کی معاشی بدحالی کی ساری ذمہ داری کس پر ڈال دی؟ اہم خبر

اسلام آباد (پی این آئی) وزیر خزانہ اسحاق ڈار نے کہا ہے کہ آج کی معاشی صورتحال کی تمام ذمہ داری عمران خان اور ان کی حکومت پر آتی ہے۔

انہوں نے کہا کہ عمران خان دنیا بھر میں کہتے پھرتے تھے کہ پاکستان پر 30 ہزار اسحاق ڈار نے کہا کہ عمران خان کے دور میں معاشی شرح نمو منفی ہو گئی تھی، عمران خان پیسے اکٹھے کرتے تھے زکوٰۃ کے نام پر اور انہیں خرچ کر دیتے تھے سیاست پر۔میڈیا سے گفتگو کرتے ہوئے وزیر خزانہ نے کہا کہ ن لیگ نے جب پچھلی حکومت چھوڑی تو پاکستان دنیا کی 20 بڑی معیشتوں میں شامل تھا، عمران نے اپنے دور میں ریکارڈ قرضے لیے، پھر عمران خان نے آئی ایم ایف سے معاہدہ توڑ کر معاشی حالات مزید خراب کر دیے اور پاکستان کی ساکھ کو بری طرح مجروح کیا۔انہوں نے مزید کہا کہ عمران خان نے گھڑیاں تک بیچ دیں، وہ صادق اور امین نہیں رہے۔اسحاق ڈار نے کہا کہ عمران خان بار بار غلط بیانی اور جھوٹ بول رہے ہیں، عمران خان آئیں مجھ سے مناظرہ کر لیں، عمران نیازی میں آپ کو آئینہ دکھاؤں گا، معاشی بدحالی کے ذمہ دار ہم نہیں عمران نیازی ہیں، پاکستان کے آج جو حالات ہیں وہ عمران نیازی کی وجہ سے ہیں، پاکستان کی آج کی تباہی کے ذمہ دار عمران نیازی ہیں۔ اسحاق ڈار نے کہا کہ عمران خان نے جھوٹی پریس کانفرنس کی، عمران نیازی جھوٹ بولنے کے عادی ہیں۔

عمران خان نے آج پھر ایک جھوٹ بولا، عمران کا موٹو اور نصب العین الٹ ہے۔ وزیر خزانہ نے مزید کہا کہ عمران خان کے پیدا کردہ برے حالات کے بعد ہم نے ریاست کو بچایا ہے، ہمارے پاس دو راستے تھے، سیاست بچائیں یا ریاست، ہم نے سیاست پر ریاست کو ترجیح دی۔