لاہور(آئی این پی)پاکستان تحریک انصاف (پی ٹی آئی) کے ورکروں نے سابق وزیر اعظم عمران خان سے ملاقات کیلئے زمان پارک کے باہر احتجاج شروع کر دیا۔ایک نجی ٹی وی کے مطابق پی ٹی آئی ورکروں کا کہنا تھا کہ برسوں سے پارٹی کیلئے جدوجہد کر رہے ہیں، ہماری چیئرمین تحریک انصاف عمران خان سے ملاقات کرائی جائے۔
ورکروں نے ترجمان وزیر اعلی و حکومت پنجاب مسرت جمشید چیمہ کی گاڑی کو گھیرے میں لے لیا، ایک ورکر گاڑی کے نیچے لیٹ گیا۔مظاہرین نے زمان پارک کے باہر نعرے بازی کرتے ہوئے کہا کہ ہمیں اپنے لیڈر سے ملنے نہیں دیا جا رہا، جس پر ملاقات کیلئے کارکنوں کے نام مانگے گئے۔سابق وفاقی وزیر و پی ٹی آئی رہنما فواد چودھری نے ورکرز کے نام کی لسٹ بنوائی اور ملاقات کیلئے انتظامات شروع کر دیے۔۔۔۔
تازہ ترین خبروں کے لیے پی این آئی کا فیس بک پیج فالو کریں
