وہ غیرملکی نجومی جس نے 14اکتوبر کو ہی عمران خان پر حملے کی پیشنگوئی کر دی تھی

ممبئی (پی این آئی )بھارت سے تعلق رکھنے والے شخص کا دعویٰ ہے کہ اس کے نجومی نے چیئرمین عمران خان پر لانگ مارچ کے دوران قاتلانہ حملے کی پیشگوئی ایک ماہ قبل ہی کر دی تھی ۔بھارت سے تعلق رکھنے والے نجومی روہتاش ترویدی نے 14 اکتوبر کو اپنے ایک ٹوئٹ میں عمران خان پر لانگ مارچ کے دوران قاتلانہ حملہ ہونے کی پیشگوئی کی تھی۔

پرمود کمار سنگھ نامی ایک بھارتی صحافی نے مائیکرو بلاگنگ ویب سائٹ ٹوئٹر پر عمران خان کے بارے میں اپنے ماہرِ نجوم کے ایک ٹوئٹ کو ری شیئر کیا ہے۔انہوں نے ٹوئٹ میں لکھا ہے کہ ’میرے نجومی دوست روہت نے عمران خان پر حملے کی پیشگوئی پہلے ہی کر دی تھی‘۔بھارتی صحافی نے اپنے ٹوئٹ میں مستقبل میں بھی عمران خان کو محتاط رہنے کا مشورہ دیا ہے۔واضح رہے کہ گزشتہ روز گوجرانوالہ میں لانگ مارچ کے دوران چیئرمین پی ٹی ا?ئی کے کنٹینر پر فائرنگ سے ایک شخص جاں بحق جبکہ عمران خان اور فیصل جاوید سمیت 13 افراد زخمی ہوئے تھے۔دوسری جانب پنجاب پولیس عمران خان پر قاتلانہ حملے کا مقدمہ اب تک درج نہیں کر سکی ہے۔