اسلام آباد(آئی این پی)سابق گورنر پنجاب چودھری سرور نے کہا ہے کہ سیلاب سے ہمارا دس بلین ڈالرز سے زائد کا نقصان ہوا ہے، عالمی برادری کو ہماری مدد کے لیے آگے بڑھنا ہو گا، دو سال کے لیے قرضوں اور سود کی ادائیگی موخر کی جائے،اتوار کو میڈیا سے گفتگو میں چودھری سرور نے کہا کہ پاکستان کے لئے مشکل وقت ہے، میں نے مختلف بین الاقوامی لیڈرز سے بھی رابطہ کیا ہے، عالمی برادری کو ہماری مدد کیلئے آگے بڑھنا ہوگا،
چودھری سرور نے کہا کہ کاربن اخراج میں ہمارا ایک فیصد حصہ نہیں ہے لیکن ہم سب سے زیادہ متاثر ہیں، مخیر حضرات سوچیں اور مشکل وقت میں مدد کے لیے آگے بڑھیں،انہوں نے کہا کہ متاثرین کو خوراک کی نہیں، ٹینٹس کی ضرورت ہے،سیاستدانوں سے اپیل ہے کہ ایسے موقع پر سیاست نہ کریں، سابق گورنرپنجاب چودھری سرور نے بات چیت کرتے ہوئے کہا کہ خدارا! اپنے اداروں کو مضبوط کریں اور دیکھ کر امداد دیں۔۔۔۔
تازہ ترین خبروں کے لیے پی این آئی کا فیس بک پیج فالو کریں
