ثاقب نثار گروہ کا ڈکلیئرڈ صادق اور امین عمران خان جھوٹا فراڈیا ثابت ہوگیا،سعد رفیق

اسلام آباد (پی این آئی)مسلم لیگ (ن) کے رہنما اور وفاقی وزیر خواجہ سعد رفیق نے پاکستان تحریک انصاف کے ممنوعہ فنڈنگ کیس سے متعلق الیکشن کمیشن کے فیصلے پر ردعمل کا اظہار کرتے ہوئے کہاہے کہ ثاقب نثار گروہ کا ڈکلیئرڈ صادق اور امین عمران خان جھوٹا فراڈیا ثابت۔ ٹوئٹر پر جاری بیان میں خواجہ سعد رفیق نے عمران خان کے خلاف سخت زبان استعمال کی اور لکھا کہ ثاقب نثار گروہ کا ڈکلیئرڈ صادق اور امین عمران خان جھوٹا، فراڈیا، بددیانت اور غیر ملکی اسپانسرڈ ثابت

۔انہوں نے لکھا کہ امریکی بھارتی اماراتی شہری کس کے ایما پرعمران پرسرمایہ کاری کرتے رہے؟دوسری جانب سندھ کے صوبائی وزیر اورپاکستان پیپلز پارٹی کراچی کے صدرسعید غنی نے کہا ہے کہ عمران خان نے الیکشن کمیشن کو جھوٹا بیان حلفی دیا،جھوٹا بیان حلفی دینے پر عمران کو تاحیات نااہل قرار دیا جائے۔سماجی رابطے کی ویب سائٹ ٹوئٹر پر اپنے جاری کردہ بیان میں سعید غنی نے کہا کہ جھوٹا بیان دینے والے کو کیا کہتے ہیں؟ تین رکنی بھوٹانی بینچ کچھ روشنی ڈالے گا؟

۔صوبائی وزیر نے کہاکہ عمران نیازی بحیثیت چیئرمین پی ٹی آئی ہرسال الیکشن کمیشن میں فنڈز جائز اور قانونی ہونے کاسرٹیفیکیٹ جمع کرواتا رہا ہے۔ الیکشن کمیشن میں جھوٹا بیان حلفی دینے پر عمران کو تاحیات نااہل قرار دیا جائے۔انہوں نے کہاکہ بھارتیوں اور اسرائیلیوں کی تھوڑی سی فارن فنڈنگ ، الیکشن کمیشن سے تھوڑا سا جھوٹ، تھوڑے سے خفیہ اکائونٹ یہ ہے ریاست مدینہ کے دعویدار کا حقیقی روپ۔عمران نیازی کا اصل چہرہ 8 سال بعد آج قوم کے سامنے بے نقاب ہوچکا ہے۔امریکی سازش کا راگ الاپنے والا امریکی، اسرائیلوں اور بھارتیوں کے فنڈز پر اپنی سیاست کرتا رہا۔ تحریک انصاف امپورٹڈ جماعت ثابت ہو چکی ہے۔