کراچی(پی این آئی)سندھ حکومت بجٹ میں ملازمین کی تنخواہوں میں دس تا 25 فیصد اضافے پر غور کررہی ہے ، تنخواہوں کی تفصیلات وزیراعلی کو ارسال کر دی گئی ہیں۔تفصیلات کے مطابق حکومت سندھ نے گریڈ ایک تا گریڈ 5 کے ملازمین کے پے اسکیل ریوائز کرنے پر غور شروع کردیا اور ملازمین کی بنیادی تنخواہوں میں اضافہ کرنے کی تجویز دے دی۔سندھ حکومت کے زیر انتظام ملازمین کی تنخواہوں میں سلیب وائز اضافے پر غور جاری ہے۔
ملازمین کی تنخواہوں میں دس تا 25فیصد اضافے اور ملازمین کے ایڈہاک ریلیف بھی ضم کرنے پر غور کیا جارہا ہے۔محکمہ خزانہ سندھ نے تنخواہوں کی تفصیلات وزیراعلی سندھ کو ارسال کردیں ، تنخواہوں و پنشن میں زیر غور اضافے سے سندھ حکومت کے اخراجات میں 12فیصد اضافے کا تخمینہ لگایا گیا ہے۔خیال رہے سندھ حکومت کا مالی سال 23-2022 کا بجٹ 14جون کو پیش کیاجائے گا، کابینہ کی منظوری سے وزیراعلی مرادعلی شاہ بجٹ تجاویز سندھ اسمبلی میں پیش کریں گے۔گذشتہ روز وفاقی حکومت نے بجٹ میں سرکاری ملازمین کی تنخواہوں میں 15فیصد اور پینشن میں 5 فیصد اضافے کا اعلان کیا تھا۔
تازہ ترین خبروں کے لیے پی این آئی کا فیس بک پیج فالو کریں
