پی آئی اے نے حج کرایوں کی تفصیلات اور قواعد جاری کر دیئے، کم از کم اور زیادہ سے زیادہ کتنا کرایہ؟

کراچی(آئی این پی)حج آپریشن 2022 ،قومی ایئرلائن کی جانب سے کرایوں کی تفصیلات اور قوائد جاری کر دئیے گئے۔پی آئی اے نے حج آپریشن پروازوں کے کرایے نارتھ اور سائوتھ ریجن کے تحت مقرر کردیئے۔ پی آئی اے ترجمان کے مطابق امریکی ڈالر کی کرنسی کے مساوی پاکستانی روپوں میں ادائیگی کرنا ہوگی، کوئٹہ کراچی پر مشتمل ساوتھ ریجن سے پیک سیزن کم سے کم 810 ڈالرمقرر کی گئی ہے۔

کوئٹہ کراچی پر مشتمل ساوتھ ریجن سے زیادہ 1100 ڈالر کے مساوی کرایہ مقرر، جبکہ لاہور، اسلام آباد، ملتان، پشاور پر مشتمل نارتھ سیکٹر کے لیے کم سے کم 860 ڈالرمقرر کی گئی ہے۔حجاج کو کرایے امریکی ڈالر کے مساوی پاکستانی روپے میں ادائیگی کرنا ہوگی، پی آئی اے کا حج آپریشن 31 مئی سے شروع ہوگا، پاکستان سے مدینہ اور جدہ کے لیے پروازیں 31 مئی سے 3 جولائی تک جاری رہیں گی، بعد از حج آپریشن 14 جولائی سے 13 اگست تک جاری رہے گا۔ترجمان پی آئی اے کے مطابق ایگزیکٹو اکانومی کلاس والے کو 40 کلو بیگ اور 7 کلو ہینڈ کیری میں سامان لے جانے کی اجازت ہوگی، اکانومی کلاس میں حجاج کو 35 کلو بیگیج اور 7 کلو سامان ہینڈکیری میں لے جانے کی اجازت ہوگی۔۔۔۔