واشنگٹن(پی این آئی)امریکہ محکمہ خارجہ کے ترجمان نیڈ پرائس نے پاک فوج کے شعبہ تعلقات کے ترجمان کی پریس کانفرنس کا خیر مقدم کیا اور کہا کہ پاک فوج کے ترجمان کے بیان پر اتفاق کرتے ہیں۔نجی ٹی وی کے مطابق پاک فوج کے ترجمان کی پریس کانفرنس پر ایک سوال پر امریکی محکمہ خارجہ کے ترجمان کا اپنی پریس کانفرنس میں کہنا تھا کہ ہم پاک فوج کے ترجمان کے بیان سے اتفاق کرتے ہیں۔
ترجمان کا کہنا تھا پاکستان میں کسی بھی سازش میں امریکہ ملوث نہیں ہے تمام الزامات کو مسترد کرتے ہیں۔ اس موقع پر ایک دفعہ پھر انہوں نے نئے منتخب ہونے والے وزیراعظم شہباز شریف کو مبارکباد دی اور کہا کہ امریکہ پاکستان میں کسی ایک جماعت کی حمایت نہیں کرتابلکہ امریکہ پاکستان میں آئین کی پاسداری اورجمہوری روایات کی حمایت کرتا ہے۔
تازہ ترین خبروں کے لیے پی این آئی کا فیس بک پیج فالو کریں
