اسلام آباد (پی این آئی) سابق وزیر دفاع پرویز خٹک نے کہا ہے کہ ہم امپورٹڈ اور چوروں کی حکومت کے ساتھ نہیں چل سکتے آج ہم قومی اسمبلی سے اجتماعی استعفے دیں گے۔ گزشتہ رات نوشہرہ میں احتجاجی ریلی سے خطاب کرتے ہوئے پرویز خٹک نے کہا کہ متحدہ اپوزیشن نے بیرونی عناصر کا آلۂ کار بن کر سازش کے تحت عمران خان کی حکومت گرادی۔ انہوں نے کہا کہ عمران خان ایک بہادر لیڈر ہے اور پہلے سے زیادہ مضبوط ہوکر ان سازشی عناصر کا مقابلہ کریں گے۔ سابق وزیر دفاع پرویز خٹک نے مزید کہا کہ مولانا فضل الرحمٰن عمران خان کو یہودیوں کا ایجنٹ کہتا تھا اب مولانا بتائے کہ وہ خود امریکا میں یہودیوں کی حکومت کی گود میں بیٹھ کر کونسے اسلام اور پاکستان کی خدمت کرے گا۔
انہوں نے کہا کہ ملک میں فوری انتخابات کا اعلان کیا جائے تاکہ عوام اپنی پسند کی حکومت منتخب کر سکیں۔۔۔۔
تازہ ترین خبروں کے لیے پی این آئی کا فیس بک پیج فالو کریں
