اسلام آباد(پی این آئی)وفاقی وزیربرائے منصوبہ بندی اسد عمر نے دعویٰ کیا ہے کہ تحریک عدم اعتماد پر بیرونی سازش کے ٹھوس ثبوت موجود ہیں، کراچی سے کس جہاز پر اور کیسے پیسے لائے گئے تمام ثبوت عوام کے سامنے رکھیں گے۔نجی ٹی وی کے پروگرام میں گفتگو کرتے ہوئے اسد عمر نے کہا کہ عدم اعتماد میں بیرونی طاقتیں ملوث ہیں جس کا ٹھوس ثبوت بھی موجود ہے۔
ہمیں پتا چل گیا ہے کہ کراچی سے کس جہاز میں اور کیسے پیسے لائے گئے ہیں۔ اس کے علاوہ تحریک عدم اعتماد میں ہارس ٹریڈنگ کے بھی ٹھوس ثبوت موجود ہیں۔ مناسب وقت آنے پر تمام ثبوت وزیراعظم عمران خان عوام کے سامنے رکھیں گے۔انہوں نے کہا کہ کچھ ایم این ایز نے واپس آنے کاارادہ ظاہر کیا ہے اور تمام کا تعلق پنجاب سے ہے۔ تمام ایم این ایز نے پیغام بھیجا ہے کہ وہ عمران خان کے ساتھ ہیں اور انہوں نے پارٹی نہیں چھوڑی ۔
تازہ ترین خبروں کے لیے پی این آئی کا فیس بک پیج فالو کریں
