اسلام آباد (پی این آئی) پاکستان تحریکِ انصاف (پی ٹی آئی) کے ارکان کے پارٹی سے ناراض ہونے کی وجوہات سامنے آ گئیں، فیصل آباد ڈویژن کے ارکان وزیرِ اعظم کے معاونِ خصوصی شہباز گِل کی مداخلت پر ناراض ہیں۔مقامی اخبار کے ذرائع نے بتایا کہ شہباز گِل فیصل آباد میں آئندہ الیکشن میں اپنے لیے سپورٹ مانگتے رہے ہیں۔
ارکان نے وزیرِ اعظم عمران خان کو شہباز گِل کی مداخلت پر تحفظات سے آگاہ کیا تھا تاہم وزیرِ اعظم ارکان کے تحفظات دور کرنے کے بجائے شہباز گِل کو ساتھ ماسکو لے گئے تھے۔ذرائع کا کہنا ہے کہ نور عالم خان کو سپیکر اسد قیصر کے خلاف بولنا مہنگا پڑا، وہ حکومتی فنڈز صرف صوابی میں خرچ کرنے پر نالاں تھے، نور عالم خان اپنے حلقے کے لیے ترقیاتی فنڈز مانگتے رہے جو نہیں ملے، نور عالم خان کے وزیرِ اعظم عمران خان سے ملاقات میں بھی تحفظات دور نہیں کیے گئے۔ذرائع کا یہ بھی کہنا ہے کہ پارٹی کے شوکاز نوٹس اور پی اے سی سے نکالنا نور عالم خان کی ناراضی کی وجہ بنا۔
تازہ ترین خبروں کے لیے پی این آئی کا فیس بک پیج فالو کریں
